امریکا کی ایرانی معیشت پر پابندیوں کے اثرات مرتب ہوں گے : جواد ظریف
تہران(این این آئی)ایرانی وزیر خارجہ محمد جواد ظریف نے اعتراف کیا ہے کہ امریکا کی ایرانی تیل کی تجارت پر پابندیوں کے ملکی معیشت پر اثرات مرتب ہوں گے لیکن ایران ان سے اپنی پالیسیوں کو تبدیل نہیں کرے گا اور امریکا کی یہ مشق لاحاصل رہے گی۔جواد ظریف نے امریکی ٹی وی سے گفتگو کرتے ہوئے کہا کہ پابندیوں کا ایک معاشی اثر تو ہوگا لیکن ان سے پالیسی تبدیل نہیں ہوگی۔انھوں نے کہاکہ امریکا پابندیاں لگانے کا عادی ہے اور اس
کو یقین ہے کہ یہ تمام مسائل کا مداوا ہوسکتی ہیں لیکن یہ پابندیاں مسائل کا علاج نہیں ہیں بلکہ ان سے عام لوگ متاثر ہوتے ہیں ۔حکومت کے طور پر ہماری یہ ذمے داری ہے کہ ہم عوام پر ان کے کم سے کم اثرات کو منتقل ہونے دیں لیکن ان پابندیوں سے پالیسی کبھی تبدیل نہیں ہوگی۔انہوں نے کہاکہ عالمی برادری اب امریکی پابندیوں کے خلاف اٹھ کھڑی ہوئی ہے۔ہمسایہ ممالک اور یورپی اقوام واشنگٹن کے یک طرفہ اقدامات کی مزاحمت کررہے ہیں۔
The post امریکا کی ایرانی معیشت پر پابندیوں کے اثرات مرتب ہوں گے : جواد ظریف appeared first on JavedCh.Com.
Comments
Post a Comment