بالی ووڈ کی کئی شخصیات تنوشری کی حمایت میں بول پڑیں

ممبئی (شوبز ڈیسک)نانا پاٹیکر کیخلاف ہراسانی کے الزام کے بعد بالی وڈ کی کئی شخصیات بھارتی اداکارہ تنوشری دتہ کی حمایت میں سامنے آگئیں۔بالی ووڈ سے و ابستہ اداکارہ و مصنفہ ٹوئنکل کھنہ ، ادکارہ سونم کپور ، ریچا چڈا،پری نیتی چوپڑا، اداکار و ڈائریکٹر فرحان اختر اور اداکارہ پریانکا چوپڑا نے اداکارہ تنوشری دتہ کے حق میں بیانات دے دئیے۔بالی وڈ کی ایک اور شخصیت شائنی شیٹی

نے واقعے کا چشم دید گواہ ہونے کا دعویٰ کیا ہے ، شائنی نے کہا کہ جب تنوشری دتا کا واقعہ ہوا وہ سیٹ پر موجود تھے ، بطور اسسٹنٹ ڈائریکٹر یہ ان کی پہلی فلم تھی ، انھوں نے تنو شری دتا کی ہمت کو سراہا ہے ۔ٹوئنکل کھنہ نے تنوشری دتہ کو بہادر اداکارہ قرار دیا اور کہا کہ ہراسانی سے پاک ماحول میں کام ہر ایک کا بنیادی حق ہے ،تنوکے آواز اٹھانے سے تمام خواتین کیلئے حالات بہتر ہوں گے۔سونم کپور اور ریچا چڈا نے بھی تنوشری کی جرات کی تعریف کی اورکہا کہ ہمیں متاثرین کے ساتھ کھڑا ہونا چاہیے۔فرحان اختر نے ٹوئٹر پر اپنے پیغام میں کہا کہ تنوشری دتا کی نیت پر سوال نہیں اٹھانا چاہیے بلکہ ان کی ہمت کی حوصلہ افزائی کرنی چاہیے ۔اداکارہ پر یانکا چوپڑا نے لکھا کہ ’میں فرحان اختر کی بات سے متفق ہوں ،دنیا کو متاثرین کی بات پر یقین کرنا چاہیے۔پریانکا کی کزن اداکارہ پری نیتی چوپڑا کا کہنا ہے کہ متاثرین کی بات ماننی چاہیے کیونکہ وہ کچھ خوف ناک صورت حال سے گزرے ہوتے ہیں ۔اداکارہ سورا بھاسکر اور کامیڈین کنیز سَرکا نے بھی تنوشری دتا کی حمایت میں آواز بلند کی ہے ۔تنوشری دتہ اور نانا پاٹیکر کے معاملے پر کچھ اداکاروں نے کوئی رائے دینے سے صاف انکار کیا جن میں اداکارسلمان خان اور امیتابھ بچن بھی شامل ہیں ۔

The post بالی ووڈ کی کئی شخصیات تنوشری کی حمایت میں بول پڑیں appeared first on JavedCh.Com.