میں پی ایس نہیں کھیل رہا بلکہ اس وقت بھارت میں ہوں کیوین پیٹرسن پی ایس ایل ادھوری چھوڑ کر بھارت چلے گئے؟

اسلام آباد (مانیٹرنگ ڈیسک)پی ایس ایل کی ٹیم کوئٹہ گلیڈی ایٹرز کی ریڑھ کی ہڈی سمجھے جانے والے برطانوی کھلاڑی کیون پیٹرسن پاکستان سپر لیگ چھوڑ کر بھارت پہنچ گئے۔ تفصیلات کے مطابق پی ایس ایل کی ٹیم کوئٹہ گلیڈی ایٹرز کی ریڑھ کی ہڈی سمجھے جانے والے برطانوی کھلاڑی کیون پیٹرسن پاکستان سپر لیگ چھوڑ کر بھارت پہنچ گئےہیں۔ اس بات کا انکشاف اس وقت ہوا ہے

جب کیون پیٹرسن نے اپنے ٹویٹر اکائونٹ کے ذریعے اپنے بھارت میں ہونے کی تصدیق کی۔ واقعہ کچھ یوں ہے کہ کیون پیٹرسن نے سپر لیگ چھوڑ کر بھارت جانے کا فیصلہ کیا تو کوئٹہ گلیڈی ایٹرز کے کپتان سرفراز احمد اور مینٹور ویوین رچرڈ پریشان ہو گئے مگر جب وہ واقعی بھارت جا پہنچے تو ان کی پریشانی مزید بڑھ گئی۔کیوین پیٹرسن جانوروں سے محبت کرنے والے انسان ہیں اور جنگلی جانوروں کے تحفظ اور بچاؤ کیلئے سوشل میڈیا پر کافی سرگرم رہتے ہیں۔ 37 سالہ کرکٹر کی جانوروں کیساتھ یہ محبت انہیں بھارت کا دورہ کرنے پر مجبور کر گئی جہاں وہ چیتے کے بچوں سے ’ملاقات‘ کرتے نظر آئے۔کیون پیٹرسن کے بھارت جانے کے بعد پریشان کوئٹہ گلیڈی ایٹرز کی رکی ہوئی سانس اس وقت بحال ہوئی جب انہیں یہ پتہ چلا کہ کیون پیٹرسن اگلے میچ سے پہلے واپس دبئی آجائیں گے اور کوئٹہ گلیڈی ایٹرز کو میچ کیلئے دستیاب ہونگے۔واضح رہے کہ کیون پیٹرسن کسی بھی کرکٹ سیریز یا لیگ میں آخری بار بطور کھلاڑی حصہ لے رہے ہیں۔ انہوں نے ہر طرح کی کرکٹ سے پاکستان سپر لیگ کے بعد ریٹائرمنٹ کا اعلان کر رکھا ہے جبکہ شائقین کرکٹ اب کیون پیٹرسن کو صرف کمنٹری کرتے ہوئے ہی دیکھ سکیں گے۔پی ایس ایل کے سیکنڈ ایڈیشن میں کوئٹہ گلیڈی ایٹرز کی فائنل میں پہنچنے کے پیچھے کامیابی میں کیون پیٹرسن کا اہم رول تھا۔ کیون پیٹرسن کی ریٹائرمنٹ کے بعد کوئٹہ گلیڈی ایٹرز چوتھے ایڈیشن میں ایک دبنگ بلے باز سے محروم ہو جائے گی۔

The post میں پی ایس نہیں کھیل رہا بلکہ اس وقت بھارت میں ہوں کیوین پیٹرسن پی ایس ایل ادھوری چھوڑ کر بھارت چلے گئے؟ appeared first on JavedCh.Com.